വയറു നിറയെ ഉണ്ണെന്നു അമ്മമനസ്സ്
അങ്ങനെ എല്ലാരും പറഞ്ഞു പറഞ്ഞു
കേട്ട് കേട്ട് തിടുക്കപ്പെട്ടു
വളർന്നു വലുതായി
മുതിർന്നവരുടെ ലോകം കണ്ടു
ആകെ ഭയപ്പെട്ടൊരു പെണ്കുട്ടി
ആവേശത്തിൽ കയറിപ്പോയ
പടികളപ്പാടെ ഓടി ഇറങ്ങിയവൾ
ബാല്യത്തിലേയ്ക്ക് തിരിച്ചു വരുന്നു.
മഷിപ്പേനയും
ചായപ്പെൻസിലും
വരിവയ്ക്കുന്ന ഉറുമ്പിൻ കൂട്ടങ്ങളും
ഉറങ്ങും വരേയ്ക്കും
നോക്കിക്കിടക്കാനൊരു നക്ഷത്രവും
ഇതിലപ്പുറം എന്ത് വേണം സ്വന്തമായിട്ട്?
തൊടിയിൽ ചിലയ്ക്കുന്ന കിളികളെല്ലാം
അവളുടേതല്ലേ
രാത്രി വിരിയുന്ന മിന്നാമിനുങ്ങുകളും
കിണറ്റിനുള്ളിലെ ചന്ദ്രനും
ആകാശ ചെരുവിൽ മേയുന്ന
ആട്ടിൻകൂട്ടങ്ങളും
പൊട്ടിയ കുപ്പിവളയെന്നു കണ്ണ് നിറഞ്ഞു തൂവി
തുടങ്ങുമ്പോളിതെത്ര കുപ്പിവളത്തുണ്ടെന്നു
പുഞ്ചിരിക്കൊഞ്ചൽ
കുഞ്ഞിക്കണ്ണൂകൾ നിറയ്ക്കുന്ന കൂട്ടുകാർക്കു
കവിൾ നിറയെ ചക്കര ഉമ്മകൾ
മായുന്ന കണ്ണീരു
ഒരമ്മക്കുള്ളിൽ അമ്മക്കുള്ളിൽ അമ്മക്കളിപ്പാട്ടം
തിരഞ്ഞവളൊരു കുഞ്ഞായി ..
അങ്ങനെ എല്ലാരും പറഞ്ഞു പറഞ്ഞു
കേട്ട് കേട്ട് തിടുക്കപ്പെട്ടു
വളർന്നു വലുതായി
മുതിർന്നവരുടെ ലോകം കണ്ടു
ആകെ ഭയപ്പെട്ടൊരു പെണ്കുട്ടി
ആവേശത്തിൽ കയറിപ്പോയ
പടികളപ്പാടെ ഓടി ഇറങ്ങിയവൾ
ബാല്യത്തിലേയ്ക്ക് തിരിച്ചു വരുന്നു.
മഷിപ്പേനയും
ചായപ്പെൻസിലും
വരിവയ്ക്കുന്ന ഉറുമ്പിൻ കൂട്ടങ്ങളും
ഉറങ്ങും വരേയ്ക്കും
നോക്കിക്കിടക്കാനൊരു നക്ഷത്രവും
ഇതിലപ്പുറം എന്ത് വേണം സ്വന്തമായിട്ട്?
തൊടിയിൽ ചിലയ്ക്കുന്ന കിളികളെല്ലാം
അവളുടേതല്ലേ
രാത്രി വിരിയുന്ന മിന്നാമിനുങ്ങുകളും
കിണറ്റിനുള്ളിലെ ചന്ദ്രനും
ആകാശ ചെരുവിൽ മേയുന്ന
ആട്ടിൻകൂട്ടങ്ങളും
പൊട്ടിയ കുപ്പിവളയെന്നു കണ്ണ് നിറഞ്ഞു തൂവി
തുടങ്ങുമ്പോളിതെത്ര കുപ്പിവളത്തുണ്ടെന്നു
പുഞ്ചിരിക്കൊഞ്ചൽ
കുഞ്ഞിക്കണ്ണൂകൾ നിറയ്ക്കുന്ന കൂട്ടുകാർക്കു
കവിൾ നിറയെ ചക്കര ഉമ്മകൾ
മായുന്ന കണ്ണീരു
ഒരമ്മക്കുള്ളിൽ അമ്മക്കുള്ളിൽ അമ്മക്കളിപ്പാട്ടം
തിരഞ്ഞവളൊരു കുഞ്ഞായി ..